Ek aur bus ka safar (read suffer)

Dilli se apne ghar aane ke liye mujhe  bus ka safar/mein suffer karna padhta hai. aksar bus mein safar karte hue, samay jaldi beet jata hai. Bus ki khidki se bahar ka nazara, sundar na sahi, ek screen samaan to hota hi hai.

Yeh bada zaroori samay hota hai, bahoton ke beech hote hue bhi aap akele hote hain aur chain se apne saare khyaal bator kar unpar dhyaan kar sakte hein. Kabhi kabhi ek aadh jhapki bhi li ja sakti hai magar mere hisaab se agar aapka dimaag upjau ho to iski zarurat kam hi padhti hai.

Waise ek bus mein kis variety ke kirdaar aapko milenge, yeh har baar ek unsolved mystery hoti hai. Mere manpasand hain chalte firte salesman. Achanak hi weh aap ke upar apni peculiar awaaz mein, oral storytelling ka dhava bolte hue ek interactive sales sesssion rachenge.

Haath mein pakadne ka sahuliat bhara pankha, ya 10 rupees mein 3 gel pens, ya fir har marz ki ek dawa!

Kafi mehnet lagti hai convincing mein, zyadatar unhein bina kisi sale ke agle stop par utarna padhta hai.

Kabhi kabhar kuch jhagdalu kism ke log bhi milte hain, aur kai baar conductor se change ke liye musladhar yuddh bhi karte hain. Aise mein baki sabhi log, apni garrdan par jor dete hue, aur uncomfortable positions mein mud kar, us dilchasp vartalaap ko sunte evam unke chehron ke haseen haavbhaav ko taakte rehte hain, mano koi pikchar chaloo ho. Yeh maamla agar jaldi na sulajh paye, to koi socially responsible agent apni buland awaaz mein unhein unki tarr tarr band karne ko kehta hai, jispar ya to sudden pin drop silence hoti hai, ya phir do ke bajaye teen log jhagadne lagte hain. Har baar ek alag tarah se sulah ki jaati hai.

Mujhe hamesha hi humare desh je naujavanon ki creativity par bada naaz hota hai. Jaise hi bus mein koi yuvati kadam rakhti hai, to unhein kaise taaka jaye, har naujavan bade hi anokhe dhang se is kala ko darshata hai.

Bus ke stand pahunchne ke 10 minute pehle se hi khalbali mach jati hai, mano ki bus stand par rukegi hi nahin, aur unhein pahle hi koodna padega. Kafi log to dar ke maare sach mein pehle hi kood padhte hain, akhir dar ke aage jeet hai. Par aksar aisa koi “kool” naujawan aapko milega jo unko dekh ek condescending muskaan dega aur araam se, kanon mein ear plugs lagaye baitha rahega, aur jab bus ruk jayegi, sab utar jayenge aur dilli jaane wale chadhne lageinge, tab shaan se bahar uttrega, akhir har hindustani ladke mein kahin na kahin thoda 90’s ka Hero chhipa hi hai.

Khair ab mujhe chai banani hai, baki phir kabhi.

 

 

Advertisements

About poornimasardana

Travel and Observations acquaint me with the Existent Pluralities around us and I wish to share those. I indulge in narratives (illustrations, words and pictures), it being my most cherished pursuit.
This entry was posted in Uncategorized. Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s