nibandh: cultural pradarshani

cultural pradarshini mein aapka swagat hai

iskey liye kucch sthanon par aapko ticket khareidne ki avashyakta hai, bakiyon mein ekdum muft muft muft!

cultural pradarshini ki shuruat aapke ghar se hoti hai aur poore shahar mein aapko yeh sthan sthan par dikhai degi.

chahe billboard ho ya window display, chahe restaurant ho ya tailor ki dukaan, koi mall ho ya cultural haat/festival, cultural pradarshani ka kafi bolbala hai

yeh adhiktar upri satah par dikhlai padti hai, bahar aur andar mein ghor antar hone ka sandeh to hai, lekin aap uspar mat jayein, aap upri ‘spectacle’ (1) mein apne aapko kho dein, yahi is pradarshani mein doobne ka ekmatra tareeka hai

pradarshani ka apne current sthal ke itihaas se shayad koi lena dena na ho, par usse uska mahatv kam na honein de, akhirkaar yeh pradarshani itihaas ke pannon se stereotypes khoj khoj kar layi hai, iska pura shrey isiko jaata hai

cultural pradarshani kabhi kabhi pure shahar ko ek showcase samaan bana deti hai, jismein bas sheeshe nahin hain, aur aap khud bhi uska ek hissa hain kyunki aap usse aane wale sandeshon se prabhavit ho sakte hain

Cultural pradarshini aapko cotton ke block print kurton, rangeen patchwork ityadi se lekar organic jam evam tarah tarah ki shilpkari se to acquaint karati hi hai, sath hi sath, agar aap dhyan na dein, to aap iski baaton mein aakar aisa bhot kuch consume kar sakte hain jiske relevance aur itihaas ka ata pata nahin, in fact uska us pradarshini se koi lena dena bhi nahin, jaise ki heritage ke naam pe pizza

cultural pradarshini aapko apne hi shahar mein tourist wala nazariya dharan karwa sakti hai, yeh hui na baat!

cultural pradarshini TV, Radio evam internet dwara bhi aap tak, mujh tak, pahunchti hai, sabse hairatangez karne wali baat to yeh hai ki is pure pradarshini mein hum kabhi ruk kar yeh nahin sochte ki culture kya hai, kya culture kahin kisi samay mein sthir ek imagery hai, jiske kuch pehlu bina soche samjhe hum recreate karte hain, ya culture samay ke saath behti ek organic entity hai, jisko har insaan apne tareeke, apni soch se interpret karey?

(1) Debord, Guy, The Society of the Spectacle

Advertisements

About poornimasardana

Travel and Observations acquaint me with the Existent Pluralities around us and I wish to share those. I indulge in narratives (illustrations, words and pictures), it being my most cherished pursuit.
This entry was posted in critique, history, image identity, india, reading culture and tagged , , , , , , , . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s